傳銷 (1)

傳銷 (1)

date:2008-6-2


年初，一個後很久無見的舊同事搵你食飯，你詁吓乜事？結婚派貼（結咗10年了）？揾工？轉咗行做保險？借錢？想𠳔攪生意？當年同𠳔（舊同事）禮貌上交往，比一般的一年見同事一兩次或兩年見一次。

食飯時𠳔問筆者？你想不想改善自己生活？有無想這年紀為退休打算？想有一份豐厚退休金或一畢錢？為你屋企人着想，改善佢哋生活 ？想不想每月有優厚收入而做一些自己喜歡的事？專注創作劃畫？開畫展？𠳔堅決同筆者講：「我覺得你得！」𠳔仲講：「我最想老公無咁辛苦，早啲放工！做自己喜歡工作！留一畢錢比我個仔！」

𠳔問筆者：「有無聽過 NU SKIN 如新？」，筆者話：「聽過！」（筆者在十幾年前有同時事 sell 過產品，感覺是貴，工能同價錢不成正比，買一次後無再用。）𠳔問：「現在“如新”可以上大陸，市場增長無限，我講得不夠清楚，你有時間一晚放工上來我們的 work shop 聽聽，好方便，在灣仔，有專業人事分享佢哋成功經驗，可以講得很清楚．．．！有個成功例子：入咗會，生完仔收到“如新”張支票，實實在在遲咗份工吾做！在中心同人分享！」𠳔仲講：「我覺得你得！」

這段時期筆者正趕 project 要開 OT，筆者同𠳔表示無時間，𠳔話等到筆者有時間，即是點都去一次，又睇吓乜冬冬．．．。

有一晚放工到達灣仔一楝商廈某層，是一所乜乜訓練中心，裏面人山人海，三五成群；有啲男西裝友，有女的穿 suit OL look, 當中青人仕，𠳔（舊同事）跟筆者介紹這個是“云妮”（握手）就是她生完仔，收咗“如新”張支票，介紹另一個是“陸生”佢我哋“如新”個“某某會”阿頭（一條西裝友，又握手）係 PCCW 高層做 personal training 之類，筆者覺得𠳔哋很鍾意握手（比你覺得友善親切，但相反筆者不感覺），跟住開始有人講嘢，大家很習慣自己取櫈座好，𠳔叫筆者座前啲，於是座第二三行。

講嘢大蓋內容：𠳔啲產品有幾勁，有二三大類，（１）化妝品，（２）健康食品，（３）吾記得。講嘢個話自己係工程師，之前工有成功，但工作有幾大壓力，如何身不由己，面對中年北上，家庭與事業，親子及私人時間取捨，健康或更上一層樓，如何如何在“如新”找到自己事業．．．現在如何全身投入，受“陸生” PCCW 高層影嚮加入，西裝友叫佢個老婆一齊做“如新”（即是全是親朋戚友）。跟住有個女人穿 suit OL，係會計師，又是類似分享，原來之前個男人係佢老公，因乜加入。筆者感到這個 meeting 係 “pull marketing ”啲聽眾，嘩！專業人仕都入，我“如新”係好嘢！你要信我！這是你的事業．．．我醒你！

全個 meeting 重點：搵錢有幾易，乜帛金級、黑金級、鑽吹水級，分幾多級，每級搵錢幾多！能月入10萬有幾多人，這層增長一年有幾多倍，最勁個香港盟主齌座，唔洗做，盟主每月分紅幾千萬至一億，展示願景給目標聽眾。“如新”中國大陸取得第一個直銷牌照（即 first enter market ,獨市），自己賣貨，國內提貨無問題，潛力無限；每次拓展新市場，做就了幾多個千萬元戶，是美金，例如初初新開發日本、台灣、菲律賓、夏威夷市場．．．當事人如何無插柳，又苦心經營，發咗達，今天週遊烈國，如神仙般生活，再向世人分享經歷（注意用分享，即醒你，吾係 sell 你，我們係 friend 係好嘢益你！），導有緣人齊齊發達。現在中國大陸，有幾多人，市場有幾大，你早入着數，早入快做千萬元戶，好易！

基本要求：第一，你下面先搵六條友，跟住，六條友每人搵六條友，或你幫下個面六條友揾人，一層層，這個幾何增長，幾勁。成為了社區，你可成立一個新“某某會”自己做首領，前景繽紛。千萬元戶就在眼前，好似入會即刻可實現。


待續．．．