波幅 • 賭博
date:2008-9-10
筆者在之前談論過；持有多少隻股票才叫多？多少隻才叫少？沒有絕對準則。最重要閣下訓得着覺。筆者覺得超過10隻算多，太多照顧不到，相信只有基金經理才會持幾十隻股票；基金經理就話分散投資，Peter Lynche 講過，投資8隻；3隻仆、3隻平平、2隻好好己經很好了成績。
切記一定買好股，唔好買垃圾股。就算買好股，亦不代你每次可以可用最底價錢買，故此，有（每月）平均購入法及分段買入，如你覺得，價錢到達了買你入價，便開始買入，越跌越買，保証是底價，買到無錢再跌,就不要管它了；持有。
只持有一隻；需要有極強的EQ，例如有一隻股，越跌越買，越買越跌，到你身無分銀，它還跌三成，你怕唔怕？唔怕？再跌多三成，你怕唔怕？唔怕？再跌到得十分一，怕唔怕？筆者都會怕。真人真事，70's 的和黃，和黃叫做唔死得可以回升，可返家鄉，但電話公司給電盈收購後，跌了九成五，得2%。唔系隻返得到家鄉，買電盈這垃圾股，一買已經是錯。
這段時間大市隻隻跌，只是分別跌多跌少，4隻之中1跌得勁，3隻OK,咁心態好過D,除了話跌得無咁金之外，最重要是為自己開個安全網，要錢用還有貨可沽。如果只得一隻全副身家幾十萬或幾百萬突然無晒，真大獲。再大獲D,有人借錢買，真係死一次都唔夠。幾十萬或幾百萬是超過十年的成果，可能一天化成烏有。
不過，如果你是年青人，剛剛投資得幾萬，一注過集中一隻，筆者不反對，蝕晒！還是花幾年時間，由頭開始。
筆者亦不喜歡炒波幅，例如：穩定如匯豐、宏利、新地；一年波幅20%,事後你才知那個是最高／最低價位(現價最最高／最低，基金經理都未必知)，假設沽不到最高／最低價，得上落10%-15%,還有手續費，一買一賣成本每次1%,來回2%,走多兩次5-6%,一加一減得8-10%,咁座一年都有15%,點解花咁多精神？如果你覺得是低位；買入再跌又如果是好呢？如果你覺得是高位；沽出了再升又如果是好呢？升得快，再想買又買唔返，高追再買？模頂？當你沽晒，賺了50%之後，佢已經升到天邊了，你只是得個“望”字。
凡是買樓買股等投資，未計賺幾多之前，問吓自己最差時間蝕得起嗎？守得到嗎？像2007年，每年升1倍回報不會年年出現，實際D，平均每年15%都很好。
這是心態問題，賭仔；贏十次輸一次就死得了。
筆者覺得第一件事，唔好蝕D血汗錢。
