披著羊皮的狼
date:2008-9-23
近是“迷你債券”的苦主示威遊行，個個幾十歲老人家，由幾十萬到一千萬；苦主話銀行誤導，不提風險及不明示組合等等．．。原本苦主的錢是定期存款，一間定七間補正，當時唔知有“雷曼”，現時未知有否得賠。
（一）唔知唔明唔就好買；銀行混業經營後，除了大耳窿外，亦是保險經紀，証券經紀，窩輪商，買基金，結構產品，等於銀行賺你手續費，唔同你講心，風險必是自己小心。
（二）任何結構產品，股票，外匯的掛鉤產品／票據，窩輪筆者都唔會買；銀行和窩輪商，把手上的資產做對沖，衍生買品做生意，把下跌風險給買家，而上升利潤賺到盡。
（三）未計賺錢比率，最先計風險，問吓是否蝕得起。如果要試，買少少，成份退休金買，真是臨老過唔到世。比你贏一百次，輸一次就夠了。
（四）什麼結構產品；風險高過買藍籌股很多很多．．．除時跌到零。不過借錢仲死快些，變負數。
（五）一世人老老實實，賺錢退休，最後又唔知到時有沒有包裝成ABC，保本SSE等等．．．年年都有新出品。不同名稱，名不附實，各位小心！
（六）到銀行排隊入數，最怕櫃台等銀行職員sell嘢，因為佢要交數，靠銀行職員話你知產品實制存在風險，很多新舊結構產品職員未必完全清楚。
（七）筆者撰成金管局管制，銀行發售產品，應明示產品風險級別，但產品的步伐比起金管局管理智慧快很多。
銀行從來不是善堂。
有關“迷你債券”新聞
有關“迷你債券”
