窮鬼銀行

窮鬼銀行

date:2008-3-28


本人在天后工作，今天到城市酒店的恆生銀行，見到告示話裝修，仲話裝修完之後無一般櫃台服務，只得個人理財投資。我企在門口，即是今天以後都要走多兩條街．．．。

去到北角恆生銀行，要走上二樓，見到人山人海，唔洗睇，最多人條隊跟住排就啱。我前面有二十幾人，四個窗口係“乜貴理財”，另四個窗口係“窮鬼理財”。我排這條隊；等到“乜貴理財”無人排之後，“乜貴理財”叫D“窮鬼理財”的窮人過來辨理，如果有錢人多，窮人等待吓啦。

吓！唔知“乜貴理財”要幾錢，開個戶口．．．？

有西裝哥兒們話：「“乜貴理財”二十萬結餘，現在做優惠，只需二萬，不過要做些理財投資。」我D窮鬼都是排返“窮鬼理財”窗口。

我有網上理財，原則上只有兩件事要親身去排隊，存人民幣，兌換外幣（美金）。好彩人民幣存款無限，兌換限制每天兩萬。之前問又話存款100張起，存款族張計收存款費。我每次均是食晏時間去銀行，排隊辨完無飯食。銀行月頭是繁忙的，从山从海。

家住長沙灣，已 cut 咗三間匯豐，兩間恆生， cut 吓，cut 吓．．．到我是幾十歲阿毛時候，用二個鐘排隊，一個鐘座車去天水圍辦理一般銀行事務，來回六個鐘，等老咗，唔怕無嘢做。

2007年尾，各大中港銀行業績公布非利息收入上升 100%, 為最好增長項目，恆生和匯豐下年主打發展（渣打、東亞銀行前幾年已跟緊做緊）。

留意吓！越少窮鬼的銀行應該賺錢越多。

喪租客

喪租客

date:2008-3-27


物業出租是要風險，香港租務法例保障租客多過業主，就最新聞的例子（見下面連結），真是哭出來，收回一間難屋，喪租客還欠四年多租金。

本人亦有物業出租；租客真是千奇百怪，有的自稱公司董士；亦有欠租紀録，走時為了一扇門鎖賠款，個老婆（太太）同你撐到行，走咗之後還有警員致電，尚有交通欠款。有的尼泊爾人；兩人租多人住，走時欠下一屁股債，銀行財務公司追收欠款長達六年。亦有取公援的；他們是機會主議者，多數暫住，一但發覺有更好的更伻，說是死約期內，照拍拍屁股走，當然要退返按金比𠳔。地產代理只會為快速成交易，他議見只作參考；你唔確定租比這個客，租客那會比D咁私人資料比你呢？收支票又唔對現，我一定收現金作為按金及租金。業主要自保除基本資料外，選租客依靠直覺和經驗。

雖然有兩個月按金在手上，保險其實有限。

用有限公司租入房子或地鋪，公司亦可清盆，到時候業主一個仙都無（業主要求用董事個人名義擔保，很多地產公司用此招，高價租鋪；起尾注）。

租客無租交兩三個月，業主才可入紙伸請收樓，時間又長，拖半年，如果喪租客識玩法例，比一個月租金比你，所有還原基本步，又不可收樓．．．租客交一個月租拖半年．．．。

想追租入屋都未必得（雖然間屋係你，但業主無權），追租僅要小心，租客可以話要報警，cut 水 cut 電亦唔得。有條業主搵人收樓，租客簽了退租書，之後報警告返業主。

要知多事件，上網睇業主聯盟，入會可查喪租客資料，自保。

喪租客有關新聞

買伻貨 ─ 恆指

買伻貨 ─ 恆指

date:2008-3-26


有無試過怕買遲咗？買唔到？越買越貴？是地產買賣旺場時，常有發生。越高越多人搶．．．。

用倒後鏡睇返上年 2007 的情况，亦有此情況。

由年頭開始很多有利消息；QDII, QFII, 資金自由行，自由人人帶現金地上地下鈔股。

見圖：
(A) 8月恆指插落是買價入訊號，我一路都有錢繼續買。
(B) 10 月突然再抽高，這個是過份返映，我無沽股票。當然有醒目資金當時沽價賺錢，但有更多啊毛衝入去買貨。 大約九月自己忍唔住，開始月供#3986招行。
(C) 2008’ 1月 恆指再插落，是另一個買貨訊號。我由1月至 2月開始進行換碼及完成。
(D) 現時次按及國內A股下跌，恆指再到22,000點，指數股 p/e 很抵買。

這時不是無胆而是無現金流，各位平時唔好鈔乜鈔乜，留多D錢，有錢唔怕無機會。貨貴忍吓手，唔好攞錢鈔，高追貨，告誡自己，等到有機會便可入貨。年尾業公告，成績滿意，到利息回籠繼續買貨。

唔需要成日話有幾信心、有幾堅持、有幾100%持股；事實就是一切。我現在就是用超過 20 年時間証明。

雖然#3986招行，#3328交行，平均買入價高於現時股價，增持方向；投資組合中，任可價錢偏低：買入。

MACAU 馬交

MACAU
馬交


date:2008-3-25


今個復活節假期第一天，同一班舊同學過澳門一天遊，由舊同學同事‘羊太’帶團，即日來回。

早上9:00到上環港澳碼頭集合，近售票處的；麥記、美心、澳門茶餐廳等大造獨市生意，其門如市。閘外有幾百人，入閘後過關仲多人，相信有二三千人，濟湧似旺⻆，閘內人多似尖沙咀，總之一個‘亂‘字。信德碼頭管理極差，勁厠所無水沖無人洗。

開船時間要 delay 30分鐘，早上11:45到達。

硬軟件不足：
先到‘美高梅金殿’MGM，乘座酒店接駁旅遊巴士到達大門口，一進酒店大堂；即見到一幅大約十幾呎高幾十呎濶的藝術玻璃畫，跟據資料：（這件是 Dale Chihuly 大型玻璃艺术品，亚洲独一无二），返查資料原來大堂頭頂的花型燈都喺𠳔的作品，他是世界級的玻璃藝術家，層經在‘明珠台’見過佢作品都幾勁，見下面相連網址。我有個八卦同學話：「這個紅花爐風水嘢，勿走過這橙下面，實比𠳔斬到一頸血！」我當然無理會，照行。再入另一個玻璃頂天然光，充滿歐陸葡萄牙式花園廣場，還有些葡萄牙藍、白色磁磚，彷彿是走進外國的國度，很特別。再入賭場；頂！要 check 手袋，還要有帶水的要喺𠳔面前飲一啖。入到賭場都幾舒適，賭枱之間空間足夠，不似舊葡京差勁，我行了個小圈，大部份賭枱無開，人流不太旺。老虎機有$0.2, $0.5 注碼，有一個同伴贏了幾百蚊，夠船費。出到門口先知，走的接駁巴士需到另經賭場一面出口，同伴說：「又要飲水？」，這些是‘NOT user friendly’.

巴士途中，街上地鋪很多關門，其中一張通告寫‘人手不足未能營業’，賭場酒店除苛官外，均是青年人接待。人手不足又未能輸入外奴，硬件足軟件不足，這個地方發展K型。另一硬件是交通，澳門沒有齊體運輸系統，巴士只可到某小處地方，很多新賭場自家用接駁巴士搶客，去到阿A賭場，去不到阿B酒店，舊區馬路設計，停留在小鎮風情時代，追不上現今步伐，座的士 no, way! 不是錢的問題，是沒有，同伴說：「司機全部去咗揸同賭場接駁巴士，萬幾蚊月薪，薪俸高。」

旺人流的只是大馬路一帶和一些賭場內部，眼望進魚人碼頭，不見得有人流，如果炎夏，其他景點如可呢？

天旋地轉:
之後要去‘褔隆新街’的‘褔隆葡國餐’食下午飯，可由‘大馬路’步行到達（小插曲：‘啊羊太’是本行程領隊，此人是同學舊同事，我等一行13人，‘啊羊太’帶我們先行右，發覺行錯，再行左又錯，最後原來是右面！）。及後；由‘美高梅金殿’乘接駁巴士賭場到碼頭，再由碼頭乘巴士到‘大馬路’，之後由‘大馬路’乘巴士到碼頭，再乘接駁巴士賭場到‘威尼斯人渡假村’，最後；乘接賭場駁巴士到碼頭，碼頭座巴士回‘大馬路’的‘寶石常記酒家’食（翅）晚飯，食完飯乘車返碼頭，住返不下八次。天啊！

最聚財：
這站到‘威尼斯人渡假村’，外表一般，一入到大堂都一般，見但到等 check in 排隊的人有二十幾三十，可能房間數目太多；3000間房間，可能是其中一個 lobby ，不太清楚，如入住最好留多些時間 check-in 和 check-out 。再行兩步又見牆兩個歐式噴水池，那個八卦同學又話：「這又是個風水嘢！」。再入去見到賭場，我先由行人電梯上商場，這個商場蓋念是把室外搬到室內，倒如把天空和意大利威尼斯水鄉；美國人很善於營造賣一個感覺給你、賣一個希望給你、賣一個夢想給你和賣一個形象給你．．．好像；拉斯圍加斯、麥當奴、迪士尼、星巴克。‘威尼斯人渡假村’商場跟美國一模一樣，誰大誰小不知道，燈光很舒服，還有鬼佬歌劇女高音唱詠，聽不明白，但音色清幽，如水晶藝術般通透，放眼望去，商店組合部分跟香港相同，我想！包裝不同真可使他煥然一新，香港和同包真是要學習想一想了，另一些名店是‘威尼斯人渡假村’獨有的，連撑船有個肥姊姊，都不是普通人，嘩！歌喉仲清過池水，聽到我毛管竪起，好正！錯覺到誤會不是在‘馬交’，無買嘢！影了相落賭場，嘩！人山人海賭枱爆滿，大陸同包多，煙霧彌漫，老虎機有$0.2, $0.5，$1 注碼，老虎機數量之多，有沒有1000台？小心迷路，見大家玩得咁得意，自又試吓！身上有葡幣入老虎機 No, Way! 港幣當然 OK, 身上無人民幣，我想試吓用人民幣入得無有，我想是否港幣受歡迎，或是來澳門是港人居多呢? 澳門人不賭錢？結果。
當然輸，輸了$40, 同伴拉平均都喺輸。這澳門‘威尼斯人渡假村’食正全家大細，女的可 shopping, 老公可開會（會議展覽中心的商務客），有時間可現兩手。如果香港有‘威尼斯人渡假村’股票的話，可值得研究，當然無啦！。（第二段插曲：‘啊羊太’帶我們先行右，再行左，最後兩批排不同隊，一駕車去‘金沙’一駕車去‘碼頭’,結果整合完發覺排錯了去‘金沙’，又花時間要轉排去‘碼頭！13 個傻人笑死人！）

搶手信：
食晚前尚餘少許時間買手信，晚 9:20 船返港，8:00 才剛好到達‘大馬路’，買完他們致愛‘鳳城水餃’之便急跑到‘十月初五街’— 鉅記，買我很久想回味的杏仁餅，雖然不是非買不可，橫豎要等人，為什麼不買，攞貨走不進去，拿了兩盒排隊付錢，其他人為了省時間省錢，跟我同一起付錢，我也樂意，為什麼我排這條隊無郁，真克仔，見斜對面條隊快又有相識，即衝過去，又喺等．．．。好奇怪！幾條街只是‘鉅記’人山人海，其他手信鋪水盡鵝飛，我就話睇到‘新假期’#445 澳門美食私密圖鑑，p55 試食手信最強，就腳去買，我唸！？咀香園等同級，應不太差呢！．．．是不是鉅記廣告多？

如果，我是‘鉅記’老板，我唸！行得入來門口，都喺我個客，收錢一定一定攪得更好，又點會讓人客長久等．等．等．等．等．。

路盲領隊：
急急食飽飯，我們乘 No.3 巴士 9:05 到達碼頭，過了海關，我第一時間睇幾多號閘口，由於手上無票（船票集中‘啊羊太’手上方便 mark 位），眼見9:20 是 7號閘，見‘啊羊太’走過來一眼望個號閘 light board 就衝去右面, 我大聲叫；「‘啊羊太’左面呀！ 7 號閘，（‘啊羊太’話：真喺？）」我睇一睇𠳔手上船票，我話：「9:40! 喺！7 號閘！」，點知𠳔又向衝去右面，我又大聲叫加手指；「說邊！7 號閘！」，但我又聽到𠳔自己同自己講；「6 號」，我想！6 跑和 7 號閘是同一方向，算啦！無走到相反方向就得，我當然企喺號閘 light board 等班大帶帝，手指指：「這邊」。

oh! my god. 原來全日跟住個左右不分的路盲。


有關 Chihuly

投資組合 ﹣ MPF 展望

投資組合 ﹣ MPF 展望

date:2008-3-19


近本年一月，中港兩地股市因次按等原因下跌，正為我的長線投資造就整合機會；除了股票整合已完成外，MPF 每月供款，終止宏利 MPF 亞太股票基金 佔50%；把全數新每月供款全數轉投為，“宏利 MPF 中華威力基金 100%”。

MPF 是人生極長線，睇二三四十年投資，在高增長金磚四國中，最有信心和最熟識首選中國。印度發展本身就政治，都不是完全無問題的、巴西太遠各項資訊不清楚、俄羅斯資本市場發展比不上中國、越南 size 太小、台灣現今買入可能是水尾，因已有量資金已湧入，就算唔摸頂，價值都要長時間才實現，大家會否過份睇好呢？

如要買入，我不假手於基金經理；我只買ETF，但香港選擇少。手上亦未有多餘現款。

對‘惠理’管理很有信心；100% 投資 “宏利 MPF 中華威力基金”,跌市正是長線買入最好時機，調整對於成長的市場是健康化。恆指跌30-40%，A股跌40%，正好用更合理買入更多單位。長線組合，給他多些時和耐心使成長。

管他牛熊市，只要投資的公司乜市都有盈利增長就得。優質基金管理經理必須把它發掘出來，不要推說市道差而把我的血汗錢輸光。


新聞見“新華網”部份內文：（全文見下面連結）

~
高位调整—不能轻言熊市到来

从去年10月16日上证综指见顶6124.04点以来，股市已调整5个多月，幅度则已超过40%。如此长时间、大幅度的调整，让很多投资者都产生疑问，持续两年的牛市是否已经结束？
~

新華網─有關新聞

ZINGARO 星躍馬術奇藝坊

ZINGARO
星躍馬術奇藝坊

date:2008-3-16


今日去紅磡馬頭傍睇了一個馬戲及馬術表現，  ZINGARO 是藝術節和馬會主辦。目的同奧運馬術比賽造勢。

ZINGARO ‘星躍馬術奇藝坊’中文古古怪怪，無好過有，土頭土腦。ZINGARO 英文在西班牙話意思為「吉卜賽人」，都有帶點浪漫。值得一看，我睇最伻門票$250，因場地細，反而可睇到晒全個景。

是次是本人第二次睇馬戲，第一次是睇‘索拉圖奇藝坊’。

ZINGARO 柔合了，馬術，音樂，故事，要人馬合一，是很高難度。樂譜是牙利等等，我等鄉下人，只是感到那些全是吉卜賽情懷節奏。

場內不可拍照，只可睇場刊照片。

相片：
(1)  6:00pm 入場，表演場外正是黃昏
(2) 門票套
(3) 法國式浪漫，每個分場出現，都幾好笑！又幾靚！
(4) 這個黑人，我覺得他騎藝最出，姿體語言最好
(5) 這馬種很特別，在法國拿破倫總統的人像油畫見過，的就是這類名驅
(6) 嘩！灰熊表演，真定假，睇過你就知！
(7) 嘩！天鵝合馬合人表演，勁！睇過你就知！
(8) 舞台中間有條水瀑布，又好似水柱，加燈光效果將好

信念

信念


date:2008-3-12


今天看到“馬沙”文章（馬沙筆記 Char Blogger>星期三, 三月 12, 2008>永不放棄 ）原文見下連結；這位女士成為（CPA），使我到信念二字。信念比起，終點、目標、願望、願景等層次還要高得多。

在50's 60's出生的香港人，觀念重男輕女時代，女性接受教育的機會很少很少，大多數人很年紀輕要外出工作。及後9年免費教育後，我正是第一批9年免費教育學生，教育更得以普及化。

還記得我第一份工作，第一個自置物業，進修高級証書，高級文憑和獲取優異生資格，渡過生命中每個的關口，都是憑著“信念”。

“信念”就是你先要相信它，一直朝往這方向去，其他阻礙物都會視若無睹，一一跨越。無論中間嘗過幾多苦，幾攰，當到達到時，那份喜悅和滿足感，便可抵消了。

要得到一件東西，就要付出，你不掙取，時間是不會你等的，當你只想着唔做時候，結果一點進展都無，原地踏步；但是你由今天開始，一步一步行終有一日會達到的，開始後就只要是時間問題。管他五年還是十年。

我現時的“信念”是先要將手上投資組合達到100萬美金。我需要時間。

“永不放棄”有關文章

越跌越買

越跌越買

date:2008-3-11


滋因月供股票扣錢出錯；原本扣$5000，變咗$1000，正好為跌市提供更多現金。

美國跌市，港股星期一急跌，今天星期二接住跌。

原本預算只是夠買入一手#3328交行，但左抓右抓，連同床下低的錢一拼揪出買貨。還有經紀戶口結餘，幾千蚊。今天$23.5，買入一手；500股#3968招行。

跌市買貨可為本人增取最大利潤；基於“身上無債項，家中無病人，日日有工返。”無乜怕。

現在手上是零現金。

每月買？ 底位買？

每月買？ 底位買？

date:2008-3-10


小寶寶問我：「每月買股票？還是等底位買好呢？」，當時已回答了她，現在只是詳細補充些資料。

使我想起一本讀過的書：

＜漫步華爾街＞
A random walk down wall street
-the time-tested for successful investing
by burton G. malkiel
楊美齡 譯
天下文化出版



書中內容包括；黃金、債券、股票等投資和長期獲利比較，黃金最多只保值不能增值，甚至跑輸通脹，而沒有利息，在戰爭或高通脹時價值最能反映。債券比股票穩健，但長期盈利不及股票，只有兩個情況領先股票；一是通縮／衰退／戰爭，二是債券息率急促上升，高於其它存款利率，經筆者比較後，都是股票長期領先。

書中筆者亦比較基金經理投資和指數增長成積，最後是指數升幅比基金經理好，即是閣下自己買指數基金，比起買各式各樣基金經理操盆的基金回報還要好；很少基金經理做得好過指數，而長期跑贏指數的基金經理絕無僅有，指數基金管理費亦伻D。另一個比較高沽低買和平均買入股票作獲利比較；是平均買入回報較好。平均買即任何價錢都有買入，是數量多少分別，長遠“好股票”不要担心貴咗一兩蚊。

這個是值得反思的，即是自己定期買入好股票和指數好過鈔股；事實上我未見過百鈔百贏的長勝將軍，只要你有一次輸就足夠輸晒所有，而長時間買入及死抱緊“好股票”的，發咗達就見唔少。

你會覺得好簡單！事實上又係好唔簡單，因為幾十年時長期買入及抱著，不管風雨，要有無比的耐力、恆心和信念。

這個理念很多現時香港投資書刊提及，不多說了。

“好股票”即是長期盈利增長及高速增長、專利、產品要重複使用的。不要長期買入那些偏低、管理差、無增長的。

如何低買高沽，事後睇圖表就一清二楚，現在夠景是高？是低？我唔知。將來更加無人知。功力好的價值投資者或高手會嗅到市場的方向，但時間和指數幅度必有偏差。如果波幅30%，高低買賣位相差10%（高位前5%沽出，低位5%前買入），來回20%利潤，等一年都等到啦。尚未計交易成本。

“低買高沽”我又試過，對我唔得！因為有人為心理因數影響，如果此隻股長遠上升，即白做！買入價越來越貴。如果此隻股長遠下跌，即癈柴！越買入越蝕價。

其實我一向奉行有錢就買，“好股票”越跌越買，多多買，如果配合／遇到大跌市或股價長期偏低，即2002-2004年買入，組合增長率更勁，這個是本人經驗，証實行得通的。2007年買入那些就要等一等了。

現今每手價錢相對高了，為了不錯失好股，故月供一半留一半現金；現金用以一手買入，可等低位買入或私人流動現金，另一半月供買愛股，單獨買入的會睇百份比那隻需增持，那一隻在購買名單中股價偏弱，較值得買入。還有股息收入。

哈！哈！最後我可能都偏向99%持股，1%現金。這是我弱點之前講過。反醒之後堅決奉行，恆指高位，不！買！貨！ (但月供繼續)

現在都是買伻貨好幾會。

頂住

頂住

date:2008-3-6


做野（工作）有時唔開心，頂住條氣，人人都會有，想立刻辭工唔做，最近都有一次。

我一般唔做，都是另有高就，有後路安排好，（就算無，如果外在經濟好，搵工都易） 但亦試過計畫以外，特發情況，這次因為外面經濟因素向下，真是很難找到合適工作；加上時間誤差，長時間呆在家中。

在這行工作經驗多些，在同行中建立了名聲，開始有舊同事或朋有介紹，見工sell自已，主要傾談型式，對方花時間見你其實心裡有數，大約知你係乜料；自已都要花些時間準備，了解對方和貴公司；準時、大方、成熟、可客觀表達意見，即是自sell，要了解對方對你期望，公司有否人事掙鬥等等，有乜要問就問清楚了...。

最高層次當言是獵頭公司，獵你個頭。如果閣下是專業人士，極具名聲，事業亦不同凡嚮。

睇睇招聘網，悠工無乜，招聘初級居多,自已退休投資組合又未達標；即是有1000萬...1億，如果有，就立刻唔做，怕者睇相佬話我要做到60歲。

哈！哈！1億？過多40年都唔知有無。

成長

成長

date:2008-3-3



星期日在家中和姊姊媽媽觀看肥肥的‘追思會’看到了很多很久不見的舊星前輩，還有我偶像‘白雪仙’女仕。

一向對秋官與肥肥的離異，我抱中立態度，男女離童合合總會有其個人原因，當時，不感覺得肥肥是受害者，或者秋官是負心人。感情只有愛和不愛，但事實上，彼此分離是有責任的，由其是閣下有兒女，或其中一完全無工作能力。

肥肥現在不是的秋官太太，但他是欣宜的爸爸，是鐵的事實。小朋友是需要你用時間同佢溝通的， 不是食飽兩餐飯就算，或者打個電話就叫溝通。

‘追思會’高潮是鄧光榮叫秋官交代的那段．．．之前秋官無出席肥肥加拿大喪禮，我和姊姊都好知秋官回答，答案令人失望，反而覺得欣宜己大個女。基本上不論其原因，喪禮一定要出值；如果有朋友在ICU無論對方知唔知，唔知見唔見你，只要你到，就算支持唔到肥肥，都代表對女兒欣宜支持，點樣叫20歲女仔面對咁多事呢？

一個人成長非因他年齡，而是經歷，當你經過生老病死、失戀或人生重大挫敗之後便會成長。這幾年欣宜都經過了。

我有一個舊同學，生人都無風浪，結咗婚生咗個女，發覺老公有第三者，再生個女，發覺老公第四、五、七者....，前幾年仲死咗親細老，同老公這段關係前前後後拖拖拉拉20年，自已帶大三個仔女。唔成長日子點過？

最令我記得肥肥幾句說話很深刻 ：「愛情是短暫的！親情和友情都是長遠的！」。

但覺“苗可秀”講得比較好：「愛情是短暫的！感情是長的；細水長流的！」。

我的看法是；親人未必有感情，朋友未必有友情。

‘追思會’新聞 (1)

分散與集中

分散與集中

date:2008-3-2


投資組合中各人的總分佈數量和隻數不同，這每個人模式組成了股票市場。有些人喜好股息，有些喜歡資本增值，有些喜好藍薵，選股重於資產；有些選股重於增長率，前者穩重可能錯過了高增長的股票，後者假設買入價不是高追入，要有心理準備跟大市上落，波幅亦大。

可為多；超過10隻，因為很難掌握每隻市場和發展，很難想象有些人持有20-30隻的組合，自己又唔系經金經理；點理呢?如果你有10隻，有3-5隻主力，其餘只佔小小組合比例，還可以接受。

可為少；一隻？二隻?亦有人在，亦發咗達。有個blog友用50萬買中石油，平均$1.5買入價，變咗幾百萬，仲出咗書。聽的聽眾 Sam Fong 一注中人壽，250萬 ，平均$5買入價，現在已過1000萬，這些幾會不是時時有，我兩隻都有買入，一隻中石油已全數沽出，但是不會集中買一隻，因為太危險，如果有事食唔落，訓唔到覺。

我想！有三種人會只買一隻：
第一：賭仔，賭大細
第二：對自己隻股好有信心
第三：這隻只佔個他人總資產少少，輸錢，唔志在。

我記得當年中人壽跌到四元幾,五元幾，我一路買到佔個人比例19%-20%,之後覺得已足夠，便停止購入，中人壽比例比中移動還要多呢。現今回看，當然買得太小，亦無後悔。唯現時跌市盡量購入。

分散或集中不是主要問題，最重要適合自已風險。