傳銷 (2)
date:2008-6-3
小插曲：在聽 meeting 時西裝友一路講，前面個 OL 一路點頭，好同意，meeting 前西裝友叫大家關手機，筆者把手聲關了成震機，剛剛有一個電訊，手機發了一聲“嚉”聲，前面個 OL 反了筆者一個反白眼．．．。西裝友問各位今日有無帶親戚朋友來，OL 第一個舉手，OL 帶咗阿媽來。
meeting 完，大家很習慣自己取枱、櫈座好，三四個人
一張枱一組，舊同事與一個男仔 mark 住筆者，一疊紙 ﹣合約（筆者當時想：老虎都唔簽，就算係好好嘢都要想清楚。）舊同事與男仔問筆者：「明唔明？」「原則上明！」舊同事話：「我覺得你得！信我！」「“云妮”係男仔個家姊」「男仔同你係同行，做 3D design，男仔係我（舊同事）娚女個男朋友！」一家人？！
戲肉：𠳔（舊同事）：「中國大陸是傳銷發展好機會，你識唔識大陸朋友？」「這個生意要不段發展！當然，但當全部人都入（做傳銷）就唔得！早入好！」PCCW 高層“陸生”走來：「仲唔簽！我哋唔賣 product, 賣 product 無用，我哋要 train - leader 領袖！當你 leader 的 leader 你便成功。」
突然間，筆者開始明白遊戲（傳銷 business）點玩法。
成本：個男仔同筆者講，你入行“如新”先比大約$8000.-（唔記得確定價錢）只要下面有六條友入“如新”，每人回佣幾多幾多（唔記得確定價錢）己抵消這個錢，跟住有收入；$8,000.- 按比例買入指定“如新”兩類貨品，另外每年年費要大約$10,000.-用於網站，睇網你賬戶下面 directory 買貨、銷貨和分紅情況。簽名比錢；可以開始你的 business...
重點：要盡快搵最多人才（好似閣下咁恨錢,咁想搵錢）托你上位。閣下手上的電話名有用了。
待續．．．
