支持
date:2009-1-7
娛樂新聞筆者很少關注，上月在壹仔刊登“周慧敏和倪震”全文看完。愛情中的“玉女”是情不迷人、還人自迷？
筆者絕對支持：女士們財政獨立。就算結婚後，最的大部份一定自行操盆，伴侶免問。現今女士有學歷、閱歷、智識、理財能力。必須為愛自己花點心思，處理私人財務，不可假手於「愛」人。
當愛得開開心心時，那會想到分手？現代社會有什麼可一生一世，你份工，唔係！你的財富，可以唔係！你的榮譽，都唔係！那麼愛情又點會係！
結咗婚都有可能可以離婚；可能你不再愛佢，或到某年、某月、某日佢不再愛你，又或者你兩思想和核心價值嚴重偏離，第三第四者出現．．．
人生到廿幾歲；身邊朋友多是談情和婚嫁，到三十幾歲；身邊朋友多是婚嫁或生仔，到四十幾歲；朋友多是生仔或失／轉業，到五十幾歲；身邊朋友多是創業或離婚，到六十幾歲；身邊朋友多是仔女結婚、病或死。
筆者有幾位舊同學和舊同事離咗婚，有的有子女；有的仔大女大，有的無生仔女的有幾條狗和一層樓，有的為了層樓依然同住，各人都是輸家。離開生活，只是想為日後的生活和思想上開懷些。如果無“財政獨立”唔通，自己幾十歲去街邊拾紙皮、掃街？子女學費又如何解決？
等於恆指上到32,000點，就應為大市下跌做好準備，獨資和合資創業時，便要清楚知道結業後要擔負的債權責任。有否想過你伴侶，突然身故，你經濟出現問題，而又不可動你們聯合資產。或者你們有共同債項，如果有“共同債項”而閣下不知道，但對方突然失蹤／死亡，條數由你揹負，點算？
女人青春有限，男人60-70歲還可結婚生子，女人到這年紀，東方女人再婚，小中又小。這是身體結構上先天問題。
"money talk" blog （12月4日）只是導出筆者部份心聲，有感而發。
12月4日，money talk (1)
