金融海嘯
大層殺之“第一人”
date:2009-2-1
牛年初五開工大吉，新年前依然有花紅派，預咗無，突然有，當然高興。比例與恆指下跌幅度差不多，得一半。
由2008'的金融海嘯；公司生意不太好，“照肺”當日，筆者問阿頭，明年會否炒人？他說：「不排除，但未有你份！」
初五將近放工時間，有人突然話：「自己今日 last day!多謝某某，某某，某某」。阿頭說：「公司要炒人，阿水今日 last day！D 嘢未拾完，日後還會返來．．．拾嘢！」
放工時間到，其他人紛紛放工走人say goodbye，有某人同阿水講：「有事幫手出聲！」。某人之後放工走人。筆者想；是客套說話？還是真心想幫手？不知了，可能客套居多。筆者想叫某人：「為！要幫吓手！搵份工！」
阿水當晚即時拾嘢，由於太多，幾個大盒不夠擺放。
筆者當時有工作趕，放工時間到了還要繼續做，但心想都不知同（阿水）講什麼？爹了兩句，筆者要放工；阿水依然繼續pack嘢。
晚上在家中靜靜地想，炒人；今日你，明日我，都無什麼出奇，第一盡量做好自己工作，第二，步儲好“他朝君體也相同的時候”，筆者應該點做？當然要盡量減少支出，盡快尋找新工作，這時候就算恆指跌到10,000 點都無用，無錢再買了，現時還是盡量保留現金，生活必要為大前題。找不到合適工作又如何？到時莫非要轉行讀再訓；做奏囝？還是轉行做室內設計？做保安？去大陸讀美容？筆者一定不會做生意。
阿水成為大層殺之“死之第一人”，是有他的前因後果，到此不詳細說了。筆者心理尚有準備，不過時間尚預計不到，如果，阿水自己盆生意做得好，真心希望阿水生意興隆。
一早想就算最後關頭，要減薪，放無薪假都無問題，只要過到這關口，爭取到時間，保持手上資本等它增值，他日我就是皇。
未介退休年齡，還想多做十幾年，吾知有無份工可以平平穩穩做幾十年？
