匯豐控股供股之大龍鳳

匯豐控股供股之大龍鳳

date:2009-3-11

匯豐股價由$140高位，下跌到星期一的歷史低位$33(這是競價時段)，當時大摩話匯豐$42，筆者都覺得係唔係，無可能。當渣打話供股時，當時timing比較好，匯豐話不需要，即是當時代表匯豐的資本比渣打好，但業續一出，大家包括筆者都很失望，所以現時匯豐價跌到咁，各散戶的價格防線已崩塌，何來有人支持匯豐個價。如此，近來匯豐股價無運行。

匯豐有機構投資者、對沖基金、窩輪、衍生工具發行商、互惠基金、退休基金、MPF、大銀行、教師，醫生等專業人仕退休基金、散戶自己手上投資組合，香港人有買股票組合中的，邊個會不買匯豐？香港人對匯豐是一種情義，亦因為多年來匯豐業務增長穩定而良好，所以每到股價下跌時，都有大班散戶築城血肉長城。筆者有位無知的同事話：「好在無買匯豐！」實則閣下不知不覺已參與其中而，MPF組合有已下跌了。

窩輪、牛熊証、ELI、Accumulator、任何結構產品都殺死晒D買家 。如果 accumulator $100 開盤，要你$70接貨你覺得抵，接兩倍貨，但匯豐現價只是$60，即是買貴咗，即買現價仲抵。很多人見匯豐$55，嘩！P/B，P/E 咁抵！包括筆者，走到買咗貨，跟住匯豐現價只是$40。例如你唔買，走去做 ELI 想收息10 喱，現價$80，到尾$80 以上就收息，跌破 $65 就接貨，你覺得現價$80跌破 $65 接貨都很抵！現時10 喱息，你又會願意買入，當現價再下跌，你都是買貴貨。窩輪、牛熊証（同恆生指數有關，用匯豐按下指數有何難？），更不用計，得10%上下限，買單邊時輸多贏少。如此大合奏，匯豐跌跌跌到幾低到得，什麼目標價是最低價指標。

如果筆者是機構投資者、衍生工具發行商、是供股包消商（本港富豪），咁大有引誘下，㩒底匯豐股價向下，點會唔將匯豐股價有幾底壓幾底，沽完空，壓底後再買入，賺差價。

大龍鳳大合奏要成功單靠上面樂器因素不足夠，還有一個是前景，當大家都看唔好匯豐，美國撥備是否真真完結？美國信用信是否真真不再惡化？新興市場（東歐）／西歐是否真真不會壞帳？新興市場如果有的壞帳對匯豐有幾大？還有否撥備？是否要再集資？

過去大家對匯豐管理層的眼光有信心，但今次在沒有盈警下供股，匯豐又在金融海嘯處理手法，實在使投資者失望。很多機構投資者將不會供股。

現價$33-$38是否最最低？天知！當各位大戶加壓＋或散亦無信心支持＋業務亦無改善．．．匯豐到 $28 以下，有！可！難！

近日兩位Blog友：林少陽、市場先生，兩位都是價值投資的信徒，同一間匯豐，同一條算式，在計算負債和資本額方面，就出現兩個很不同的結果；有睇好的，有睇淡的，可以覺得“市場先生”感性些，“林少陽”理性些（可看下面連結）。

市場就是這些編織而成。

如果“市場先生”真金白銀幾百萬投資組合，佔組合六成是匯豐，十幾年中堅定不移，感性定理性？一個用基金經理角度，感性定理性？匯豐這一年無什麼好日子過，2009年業續唔見會好。調一個角度睇，投資匯豐你守得到，現價可能是最底，如果佢唔倒閉，幾年後可能有好日子過，但這些錢鎖死了，可能又會失去幾會成本。用自己把尺度吓！

汇控还有明天吗？＿林少陽
對林少陽文章的一些意見＿市場先生
覆市場先生＿林少陽
Deferred Tax Assets 遞延稅項資產＿市場先生